Ана Дорник специјална гостинка на Профемина 2023: „Секоја жена е хероина ако им остане доследна на своите верувања“
Авторката на „Ти си таа“ ќе дискутира во рамките на панелот: „Дали ракот на дојка се храни со тагата?“ на регионалната конференција за жени Профемина 2023, која ќе се одржи на 23 ноември во хотелот „Холидеј ин“.
Ана Дорник е мотивационен говорник, претседателка на здружението „Жена за жена“ и добитничка на наградата за исклучителен придонес во борбата против ракот на дојка.
View this post on Instagram
Таа ја опиша својата животна борба во автобиографијата „Ти си таа“, која не е омаж на болеста, туку претставува, како што вели авторката, „прирачник“ што ќе ви помогне да живеете и да се соочите со вашите проблеми.
На прашањето како би го опишала овој животен предизвик, Ана одговара:
Како живот што ми се случи во полна форма, носејќи ми неизвесност, вознемиреност, борба, решителност, храброст и победа.
Ана Дорник се избори со карциномот на дојка. При соочување со обесхрабрувачкото сознание дека е болна, таа открива дека се чувствувала „како некој да ѝ го негира целиот живот што го имала претходно.
Чувствував целосна инфериорност во однос на околностите на битката со ракот на дојката. Најтешки моменти ми беа дознавањето, шишањето и одењето на првата хемотерапија. Но, ако размислиме за клучните моменти кои ми дадоа сила да продолжам понатаму, тоа е љубовта кон животот и моите деца – тие ме потсетија дека мојата болест е само моментална состојба. Од ден на ден станував сè посигурна дека можам да направам многу повеќе од дефиницијата што таа ја носеше, открива Ана.
Поврзани објави
За тоа колку ја сменила болеста и што било клучно во процесот на закрепнување да се примени во животните навики, Ана одговара:
Многу ме смени. Мојот лет против златниот кафез во кој живеев, со врзани крилја, не може да се спореди. Ана, која сега има мисија, и Ана, која во сопствениот живот беше потстанар, се две сосема дијаметрални личности. А одлуката за заздравување е клучот за исцелување.
View this post on Instagram
Многу повеќе за нејзината борба и победа Ана ќе открие на регионалната конференција за жени „Профемина 2023“, која ќе се одржи на 23 ноември во хотелот Холидеј ин, како специјална гостинка на панелот: „Дали ракот на дојка се храни со тагата?“, спонзориран од „Виши“.
Покрај неа, на конференцијата ќе имате можност да слушнете совети и искуства на еминентни стручњаци, животни тренери, психолози и исповеди на други силни и храбри жени што извојувале победа во разни битки што ни ги носи животот.
Резервирајте го своето место навреме! Испратете ни мејл на event@colormedia.mk.com и повелете на Профемина 2023 на 23 ноември, во Холидеј ИН, во 10 часот! Ве очекуваме!
Коментарите се заклучени.