Експертите одговараат: Што сакаат да ни кажат кучињата кога нѐ лижат?

Ако се грижите, сè додека кучето е здраво, лижењето на сопственикот, дури и околу устата не е штетно, но од хигиенски причини на кучињата не треба да им се дозволува да ги лижат малите деца или генерално да бидат охрабрени, наградувани или фалени.

Ако имате куче, сигурно сте забележале дека вашето домашно милениче повремено ве лиже, некои повеќе, некои помалку, а некои постојано. Кучињата го прават ова од неколку причини:

Комуникација

Лижењето како форма на комуникација помеѓу кучињата започнува во моментот кога кучињата ќе дојдат во светот. Мајка со лижење ги чисти и суши. Од друга страна, бидејќи се родени глуви и слепи, вкусот е еден начин на кој кучињата се запознаваат со околината. Лижењето како начин на комуникација помеѓу кучињата продолжува во текот на животот.

Така комуницираат со своите човечки пријатели, но тие не секогаш ја испраќаат истата порака. Лижењето може да биде поздрав за членовите на семејството кои се вратиле од работа или училиште, но исто така им покажува на кучињата место во социјалната хиерархија (почитување / послушност).

Тие сакаат храна

Кога ги лижат луѓето, особено околу устата, луѓето го толкуваат однесувањето на своите миленици како „добивање бакнеж“. Вистината е значително различна – кучињата на тој начин можат да бараат храна.

Поточно, кутрињата со лижење на устата на нивната мајка испраќаат порака дека се гладни. Бидејќи ве гледаат како згрижувачки родител, тие можат да ви ги испратат истите знаци со лижење.

Истражување

Кучињата го користат својот јазик за да ја истражуваат околината, како што прават бебињата. Само сетете се кога за првпат ќе сретнете куче и нежно пружите рака кон него и тој по некое време ја лиже.

На ист начин кучињата ги лижат сопствениците кои допреле одредени предмети или имаат непознати мириси. На пример, сопственик на кучиња ја измил косата со нов шампон чиј мирис го заинтересирал кучето. Со лижење на лицето и душкање на косата, кучето истражува нов мирис.

Внимание

Повеќето луѓе ги доживуваат бакнежите на кучиња како нешто позитивно, и ако кучето чувствува дека тоа ви дава задоволство, особено ако тој е награден за тоа (галење, смеење), тој ќе го прави тоа секогаш кога ќе сака да ви го привлече вниманието. На пример, додека ја гледате вашата омилена серија, тој ќе ве лиже да привлече внимание кон самиот себе.

Лижење на раните

Многу животни, вклучително и кучиња во дивината, ги лечат раните на телото со лижење. Инстинктивно, кучињата понекогаш лижат и човечки рани. Иако плунката на кучиња се верува дека има антибактериски ефекти, се препорачува да не дозволите вашите миленици да ги лижат и вашите и сопствените рани. Оставете го третманот на ветеринарите или докторите.

Покажуваат љубов и почит

Се разбира, бакнежите исто така покажуваат љубов кон своите човечки пријатели. Иако, ако кучето е здраво, лижењето не е опасно за луѓето, но препорачуваме да не дозволите кучето да ги лиже малите деца.

Покрај шесте наведени, ќе додадеме уште една од најчестите ситуации кога кучето го лиже сопственикот – во моменти кога тој е испотен. Има многу теории зошто е тоа така. Една од нив вели дека вкусот на потта содржи сол што кучињата очигледно ја сакаат.

Прочитајте и: Во самоизолација сте и имате мачка? Еве на што би требало да внимавате!