Ова се првите знаци дека опасна болест ги уништува вашите црева: Ако ги забележите овие симптоми, задолжително одете на лекар!
Совет на лекари
Внимателно слушајте што ви порачува телото
Кроновата болест е хронична инфламаторна болест на цревата. Наречена е по американскиот гастроентеролог Барил Б. Крон, кој во 1932 година го опишал ова, тогаш ново, нарушување. За неа сѐ уште не постои лек и се спроведуваат многубројни истражувања за подобро да се испита оваа болест и да се утврди причината за нејзината појава.
Кроновата болест на светско ниво се појавува во 0,1 до 16 случаи на 100.000 жители. Почесто се јавува во развиените земји во западна Европа и во Северна Америка, и има тенденција да расте последниве години.
Најчесто се појавува во тенкото и дебелото црево, но може да го зафати и целиот дигестивен тракт: од анусот до усната празнина.
Симптомите што ги предизвикува Кроновата болест не се исти: некои се поблаги, а некои потешки и можат значително да влијаат врз способноста за извршување на секојдневните обврски.
Постојат повеќе различни типови на Кронова болест, во зависност од тоа на кој дел од дигестивниот тракт влијаат:
Илеколитис – е најчестиот тип и дури 50% од луѓето што боледуваат од Кронова болест имаат илеколитис. Овој облик ги зафаќа и влијае врз долниот дел од тенкото црево и врз дебелото црево.
Илеитис – е вториот по ред најчест тип на оваа болест. Овој облик влијае само врз долниот дел од тенкото црево и околу 35% од заболените од Кронова болест го имаат овој тип.
Кронов грануломатозен колитис – влијае само врз дебелото црево. Овој тип на болест често го мешаат со улцерозен колитис, а разликата е во тоа што Кроновата во овој случај не влијае врз ректумот, а улцерозниот колитис влијае.
Гастродуоденална Кронова болест – е поредок облик на болеста и влијае врз стомакот и првиот дел на тенкото црево.
Јејуноилеитис – е исто така поредок облик на Кронова болест и влијае врз средниот и најдолгиот дел на тенкото црево.
Перианална болест – се појавува на надворешниот дел од аналниот отвор и се јавува кај околу 30% од пациентите што боледуваат од Кронова болест.
Фактори што влијаат на појавата на оваа болест:
Оваа болест еднакво се појавува како кај мажите така и кај жените. Точната причина за нејзината појава сѐ уште не е откриена, но постојат одредени фактори што влијаат врз нејзиниот развој…
- Генетика – дури 20% од заболените од Кронова болест, во своето поблиску семејство имаат некој заболен од истата болест.
- Опкружувањето и начинот на живот (стресот и исхраната)
- Возраста на пациентот
- Пушењето
Симптомите се бројни кога станува збор за оваа болест и во повеќето случаи се развиваат постепено, но најчесто се појавуваат овие:
- Дијареја
- Абдоминални грчеви
- Крвава столица
- Воспаление на слузницата на дебелото црево (како кај улцерозен колитис)
- Покачена телесна температура
- Губење свест
- Губење апетит
- Губење телесна тежина
- Афти во устата
- Чувство како цревата да не се доволно празни дури и по празнење
- Честа потреба за празнење на цревата
Доколку имате некои од овие симптоми, тоа не значи автоматски дека имате Кронова болест, бидејќи овие симптоми може да се знак и на други здравствени состојби, но секако се препорачува да одите на лекарски преглед.