Дали ви недостасува витамин Д?
Некои истражувања покажаа дека недостаток на витамин Д влијае на дури милијарда луѓе ширум светот.
Недоволно изложување на кожата на сонце придонесува за ова, како и недоволна консумација на храна богата со овој витамин.
Витаминот Д се состои од 7 витамини кои се синтетизираат во кожата под влијание на сонцето, а најмногу се наоѓа во рибино масло, млечни производи, месо, печурки и жолчка од јајце.
Овој витамин игра важна улога во одржувањето на концентрацијата на калциум во нашето тело, придонесува за зајакнување на коските и здравјето на забите, како и за зајакнување на мускулниот тонус.
Следните симптоми укажуваат на недостаток на витамин Д во организмот:
Кревки коски
Телото престанува да гради коскена маса околу 30-та година од животот, а недостаток на витамин Д ги забрзува симптомите на остеопороза. Луѓето со недостаток на витамин Д во организмот се повеќе склони кон фрактури на коските отколку луѓето кои немаат недостаток на тој витамин.
Заедно со неговата способност да гради коски, витаминот Д исто така ги зајакнува мускулите. Силните мускули спречуваат паѓања, кои честопати се причина за попреченост, па дури и смрт кај постарите лица.
Честа болка во коските
Суптилна, но постојана болка во коските и зглобовите може да биде резултат на болести како што се артритис, остеомалација или фибромијалгија. Сепак, недостаток на витамин Д исто така може да биде причина за ова непријатно чувство.
Лошо расположение
Клиничката депресија во повеќето случаи е директно поврзана со недостаток на витамин Д. Иако нема јасни докази за тоа, експертите сметаат дека недостаток на витамин Д влијае на лачењето и количината на хормонот серотонин, кој го одредува расположението.
Претерано потење
Прекумерното потење има низа причини, а една од нив е недостаток на витамин Д во организмот.
Слабост и замор
Дали се чувствувате уморни и слаби дури и по квалитетен осумчасовен сон? Можеби страдате од недостаток на витамин Д. Не само железото е одговорно за јачината на организмот, туку и овој витамин. Добрата вест е дека мускулите брзо се обновуваат и дека со конзумирање храна што содржи витамин Д можете да го подобрите мускулниот тонус.
Прочитајте и: Поради нив имунитетот може драстично да ослаби: Дали и вие ги имате овие навики?
ФОТО: Unsplash