Дали наскоро нè очекува пилула како превентивен лек против Ковид-19?

Неколку компании, вклучувајќи ги „Мерк и Рош“, работат на такви лекови наречени антивирусни лекови.

Тие работат со спречување на размножување на вирусот. Нивната примена би била двојна: да им се овозможи на пациентите да немаат тешки симптоми и во исто време да го спречат развојот на симптомите кај лица кои биле во близок контакт со пациентот.

„Во случај на позитивни резултати, сметаме дека лекот ќе помогне да се запре вирусот во многу рана фаза – пред да може да се реплицира силно – со спречување на потенцијално симптоматски случаи на болеста кај оние кои се изложени на него и забавување на почетокот на инфекцијата кај други”, рече во изјавата Микаел Долстен, научен директор во Pfizer.

– Таквиот пристап може да се комбинира со вакцини против КОВИД, додаде тој.

Лек во таблети

Овој лек, наречен PF-07321332, треба да се произведува во форма на таблета што се зема со чаша вода. Втората од трите фази на клиничкото испитување ќе вклучи повеќе од 2.600 испитаници на возраст од 18 години и повеќе. Едниот ќе го зема лекот двапати дневно во период од 5 до 10 дена, а другиот ќе добие плацебо. Лекот веќе е тестиран на десетици луѓе за да докаже дека не е опасен по здравјето.

За секој што е веќе заразен, овој лек ќе биде особено ефикасен во првите денови на инфекција, пред вирусот да се размножи во голема мера.

Лекот на Фајзер, за разлика од конкурентите, не е добиен со адаптација на друг лек, туку е развиен специјално за САРС-КоВ-2. Сепак, ќе се користи во комбинација со „ниска доза“ на ритонавир, лек против СИДА.

Прочитајте и: 4 знаци на опасни болести: Овие сигнали ги испраќа телото како предупредување!

ФОТО: Unsplash