Сладок или бел компир: Што е поздраво?
Истражувавме за хранливите вредности на сладок компир и обичен, бел компир и ги споредивме за да откриеме кој е поздрав.
И слаткиот компир и белиот компир содржат витамини и минерали кои се здрави за нашето тело. Но, дали слаткиот компир е толку поздрав колку што сугерира неговата значително повисока цена? Споредувајќи ги хранливите вредности, ќе го дознаеме одговорот на ова прашање.
Нутриционистички вредности на сладок компир
Еден печен сладок компир со средна големина има околу 100 калории, 24 грама јаглени хидрати, 4 грама влакна и 2 грама протеини. Овој вид компир е полн со јаглехидрати кои побавно се варат, па затоа нè прави сити подолго и ни дава енергија на долг рок. Еден среден сладок компир ни обезбедува четири пати повеќе витамин А од препорачаната доза, а овој витамин ни помага да изградиме хемоглобин – кој ги снабдува клетките на целото тело со кислород.
Нутриционистички вредности на белиот компир
Поврзани објави
Белиот компир има многу лоша репутација, а причината лежи во фактот што тие најчесто се консумираат пржени, како што се помфрит или чипс. Сепак, еден среден бел компир всушност има многу хранливи материи. Со кора, еден бел компир содржи околу 179 калории, 37 грама јаглени хидрати, 4 грама влакна и 5 грама протеини. Белиот компир е богат со калиум и содржи 26% од дневните потреби на овој минерал, што е многу повеќе од содржината на бананите. Белиот компир содржи и т.н. отпорен скроб. Се развива кога компирот се лади по термичка обработка. Телото не може да го свари отпорниот скроб, па затоа нè прави сити подолго.
Но, кој компир е поздрав?
И двата вида компири се богат извор на јаглени хидрати, но слаткиот компир содржи малку повеќе влакна и има малку понизок гликемиски индекс од белиот компир. Од таа причина, гликозата во крвта ќе расте побавно кога консумираме сладок компир отколку кога консумираме бел. Исто така, слаткиот компир е победник кога станува збор за содржината на витамин А.
Заклучокот е дека слаткиот компир е за нијанса поздрав, но исто така и дека белиот компир има неоправдано лоша репутација. Кога се подготвува на соодветен начин (варен или печен и прелиен со здраво масло), тоа е вредна намирница.