Неверојатно: Истражувањата потврдија дека овој пијалок навистина помага при слабеење!

Ова истражување покажа дека тинејџерите и младите кои пиеле до една лажица јаболков оцет дневно во текот на 12 недели изгубиле во просек по седум килограми!

Истражувањето, објавено во „BMJ Nutrition, Prevention & Health“, покажа дека учесниците имале пониски нивоа на гликоза, холестерол и триглицериди во крвта на крајот од тримесечниот период.

Истражувачите одлучиле да истражат природни алтернативи за справување со дебелината, поттикнати од зголемениот интерес за нефармацевтски опции. Решиле да тестираат јаболков оцет како можно решение.

За студијата, тие регрутирале 120 учесници на возраст од 12 до 25 години и ги поделиле во четири групи. Три групи конзумирале различни количества јаболков оцет (5, 10 или 15 ml) секое утро, додека четвртата група добила плацебо.

Просечната тежина на учесниците на почетокот на студијата била околу 78 килограми. По 12 недели, сите три групи кои консумирале јаболков оцет покажале намалување на телесната тежина. Групата која земала 15 ml дневно изгубила најмногу тежина.

Сите три групи, исто така, покажаа намалување на обемот на половината и колковите и индексот на телесна маса (БМИ).

Покрај губењето на тежината, истражувачите забележале значителни подобрувања во нивото на гликоза, триглицериди и холестерол во крвта.

Оваа студија е прва што го истражува влијанието на јаболковиот оцет не само врз слабеењето, туку и врз општото здравје. Претходните истражувања сугерирале умерено губење на тежината кај луѓето кои консумирале јаболков оцет, а ова истражување додава ново разбирање за неговите потенцијални здравствени придобивки.

Но треба да бидете внимателни, важно е да знаете дека секојдневното консумирање јаболков оцет може да предизвика некои непријатни несакани ефекти. Јаболковиот оцет може да ја „разруши забната глеѓ и да го иритира хранопроводникот“, вели Мелиса Митри, приватен диететичар, поради што препорачува да го разредете во вода доколку одлучите да го пиете.