Сама свој мајстор: Третмани од главата до петиците
Професионална нега во домашни услови
Патот до мека, нежна и кадифена кожа нека почне од вашиот дом оваа пролет! Следете ги нашите патокази „направи сама“!
ДЕТОКС-ПИЛИНГ ЗА КОСАТА
Ќе ги отстрани мртвите клетки и ќе спречи затнување на фоликулите на влакната.
НЕОПХОДНИ СОСТОЈКИ:
- ¼ шолја хималајска, розова сол или крупна морска сол
- 1 лажица јаболков оцет
- 1 лажица растопено кокосово масло
- 1 лажица мед
- 5 капки масло од чајно дрво
Приготвување:
Соединете ги состојките во еден сад и промешајте ги добро. Нанесете една лажица од добиената смеса на влажна коса и нежно втријте ја во косата и темето. Оставете ја да дејствува 5-10 минути и отстранете ја со топла вода. Потоа, измијте ја косата.
МАСКА ЗА ЛИЦЕ ОД БАНАНА
Доволно е нежна за сите типови кожа, а ѝ обезбедува здрав и природен сјај на кожата.
НЕОПХОДНИ СОСТОЈКИ:
- ½ банана
- 1 лажица сок од портокал
- 1 лажица мед
Приготвување:
Изгмечете половина банана со виљушка, додајте лажица сок од портокал и лажица мед, па добиената смеса нанесете ја на лицето. Оставете ја да дејствува 15 минути, а потоа измијте се со млака вода.
ПИЛИНГ ЗА ЛИЦЕ ОД МЕД И КАФЕН ШЕЌЕР
Совршено ги чисти порите и ја хидрира кожата.
НЕОПХОДНИ СОСТОЈКИ:
- 1 лажица кафен шеќер
- 1 лажица мед
Приготвување:
Соединете ги кафениот шеќер и медот. Нанесете ја смесата на лицето и втријте ја со нежни кружни движења со врвовите на прстите. Оставете ја смесата да дејствува 15 минути, па измијте се со млака вода.
ХИДРАТАНТНО СРЕДСТВО ОД ЈОГУРТ, ПОРТОКАЛ И ЛИМОН
Кога ви е потребно брзо освежување!
НЕОПХОДНИ СОСТОЈКИ:
- 1 шолја јогурт
- 1 лажица сок од портокал
- 1 лажица лимонов сок
Текстот продолжува на следната страница…