Навикнати сме да ја гледаме во гламурозни тоалети и со беспрекорна шминка, но еве како изгледа кога не шета на црвениот тепих
Актерката на својот инстаграм-профил објавила неколку фотографии без шминка на која сончевата светлина јасно и го осветлува лицето. Сите нејзини следбеници се сложиле со едно нешто: таа изгледа одлично!
Селма напишала:
„Сакам да си играм со светлината. Ако ја запознаете, може да изгледате помладо, мистериозно, секси или слатко, но бидете внимателни, бидејќи исто така може да изгледате и старо и грдо.“
https://www.instagram.com/p/B1b6jzzJV6t/?utm_source=ig_embed
Иако наполнила 52 години, таа изгледа фантастично, а на нејзиното лице не се забележува ниту една брчка. Таа изгледа барем една деценија помладо, а нејзиниот ритуал за нега е многу едноставен. Во едно интервју открила по кои правила се води кога е во прашање негата на лицата.
Можеби ќе ви изгледа чудно, но таа никогаш не го чисти лицето наутро. Тајната на прекрасната кожа на Селма не е во претерувањето.
„Никогаш не ја чистам кожата наутро со сапун и вода. Баба ми ме научи дека прекуноќ кожата ги надоместува сите работи што сте ги изгубиле во текот на денот“, открила Селма.
https://www.instagram.com/p/B03xuPZJg0p/?utm_source=ig_embed
Тоник од ружина вода
Таа нанесува ружина вода на лицето најмалку два пати дневно. Наутро пред да нанесе хидратантен крем и навечер, откако ќе ја извади шминката со кокосово масло.
Таа е љубител на маските за лице
Често користи маски за лице за да ја хидрира и освежи кожата, но многу често ги прави и сама. Омилена и’ е маската со овесни снегулки. Ги меша со малку вода или млеко и мед. Така направената смеса ја нанесува на лицето и чека неколку минути.
Изгледа дека патот до блескавиот тен е многу едноставен.