Фитнес-предизвик: подобра јас! 30 дена до фит-фигура
Сè уште не е доцна својата фигура да ја доведете до совршенство. Важна напомена: ние под совршенство ја подразбираме најдобрата верзија на сопствената фигура, а не некои нереални и однадвор наметнати стандарди за убавина! Секако, во тоа може да ви помогне оваа едномесечна фитнес-програма, која за нашите читателки ја подготви фитнес-тренер
Кога ќе одлучите да се вратите во форма, често може да ве обесхрабри прашањето од каде да почнете. За добар почеток е потребно да имате добар план! Целта на оваа фитнес-програма е да ви обезбеди добро структуриран едномесечен план на вежби, насочен кон обликување на телото. Во текот на оваа програма секојдневно се зголемуваат и бројот и интензитетот на активностите, така што наизменично се менуваат вежби со тегови, кардио-тренинзи и денови на одмор. Меѓутоа, како и кај секоја фитнес-програма, резултатите нема да бидат видливи доколку целосно не се придружувате до неа. Затоа, останете мотивирани, придржувајте се до овој план и радувајте ѝ се на новата секси-линија!
ДОДЕКА ВЕЖБАМЕ, МИСЛИМЕ НА ВИТА СТАВА!
Пред да почнете со каков било тренинг, многу е важно претходно да направите вежби за загревање за да го намалите ризикот од повреди за време на тренингот. За загревање може да ви послужи џогирање, т.е. трчање во место во траење од 10 минути.
1 ЧУЧНУВАЊЕ THRUSTER
Застанете во расчекорен став, во ширина на рамениците. Чучнете, па вратете се во почетната позиција.
2 СТРАНИЧЕН ИСЧЕКОР
Застанете исправено, раширете ги стапалата во линија на рамениците, испружете ги рацете пред телото. Исчекорете, спуштете го коленото под агол од 90 степени, префрлете ја тежината на таа нога. При исчекорувањето настрана, истовремено свиткајте ги рацете во зглобот на лактот. Потоа брзо оттурнете се во почетната позиција. Повторете со другата страна.
3 ИСЧЕКОР НАНАЗАД
Исчекорете со левата нога наназад, а со другата оттурнете се во исправен став и, без спуштање на ногата, подигнете ја пред себе свиткана во коленото, истовремено исправувајќи ги рацете над главата. Повторете го истото тоа со десната нога.
Поврзани објави
4 ИЗДРЖЛИВОСТ
Легнете на стомакот, подигнете го телото потпирајќи се на подлактиците на подот. Ротирајќи го трупот на едната страна, подигнете ја и испружете ја раката високо над главата, потпирајќи се на другата рака. Вратете се во почетната позиција, а потоа ротирајте го трупот во спротивната страна и подигнете ја другата рака над главата. Правете ја вежбата 30 сек., со наизменично менување на страните.
5 ПРОПАЃАЊЕ
Ставете ги дланките на столче, а нозете свиткајте ги во колената. Потпрете се на дланките и подигнете го трупот, исправете ги нозете и спуштајте се додека лактите не ви бидат под агол од 90 степени. Вратете се во почетната позиција.
6 ПЛАНИНАР
Наместете се во положба за склек, а потоа наизменично менувајте ја положбата на нозете (како да трчате), туркајќи го лево па десно коленото кон градите.
7 ПОДИГАЊЕ НА КАРЛИЦАТА
Легнете на грбот, свиткајте ги нозете во колената. Максимално подигнете ја карлицата и задржете се во таа положба 3-5 секунди, па вратете се во почетната позиција.
Текст: Невена Милошева
Фото: Thnikstock, Instagram/adrianalima