Нова книга за млади во издание на „Паблишер“

Оваа уникатна и храбра книга за млади ја разложува темата на другоста и различноста на секој од нас

Издавачката куќа Паблишер, во рамки на едицијата „Приказни што нѐ обединуваат“, поддржана од програмата „Креативна Европа“ на Европската Унија, неодамна на македонски го објави делото „Кит на плажа“ од словенечкиот писател Винко Модерндорфер. Преводот на македонски е на Дарко Спасов.

Оваа уникатна и храбра книга за млади ја разложува темата на другоста и различноста на секој од нас и нашата вредност и посебност во светот. Ника е духовита и љубопитна тинејџерка, дружељубива и популарна во новото училиште. Течно зборува француски и оди на курсеви по шпански и германски јазик, па оттаму на часови по пијано, мечување, вајарство и јога… и затоа никогаш нема време да ги покани дома своите нови соученици. Но причината затоа е сосем поинаква. Кога еден ден ќе дојдат ненајавени, нејзините пријатели ја откриваат тајната што таа долго време успевала да ја крие од нив, тајна што ќе ги промени нивните животи… Кит на плажа е роман кој ги шири границите на нормалното и нѐ поттикнува да ги преиспитаме своите ставови за тоа што е нормален живот.

Винко Модерндорфер е современ словенечки писател, сценарист и режисер. Станува збор за извонредно сестран уметник кој има објавено 60-тина книги поезија и проза, за деца и за возрасни, како и драми, збирки раскази и есеи. За многу од нив, како и за своите режисерски дела, има добиено голем број значајни награди. Романот Кит на плажа ја доби наградата „Десетница“ во 2017 г. и според него беше направена театарска претстава.

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време