Низ објективот на СТЕФАН СОКОЛОВСКИ: Модни вести од првиот ред

Нашиот интернационален моден фотограф Стефан Соколовски штотуку се врати од Деновите на мода во Милано и ни донесе ексклузивни информации и фотографии оттаму. Тој од првите редови ги посети ревиите на познатиот и веќе докажан Џон Ричмонд, ултрауспешната дизајнерка од Кина Annakiki, незаменливиот и секогаш во центарот на внимание со своите драматични ревии Филип Плејн, модната ревија на таленти со 8 дизајнери од различни страни на светот и групната ревија на Милано сити, модната ревија на најуспешните дизајнери од секој континент.

Стефан на ова моден настан се запозна со многу звучни имиња од светската модна сцена, како што се познатата критичарка Ана Дел Русо, сестрата на Кјара Ферањи – Валентина, познатата блогерка Каро Даур и низа други, а се дружел и со познатата блогерка од Словенија, Маја Малнар….

Она што посебно ни го привлече вниманието е можноста нашиот моден фотограф да реализира кампања за најновата колекција на ексцентричниот германски моден дизајнер Филип Плејн.

Покрај ова фантастично искуство, Стефан сработи и портрет-фотографии на популарната моделка и актерка Мадалина Диана Генеа, која ја оствари улогата на Софија Лорен во филмот „Куќата на Гучи“.

Инаку, Стефан ја реализира оваа соработка со Emerging Talents Milano, благодарение на неговиот пријател и соработник, Јосип Грабовац.

Ревиите низ фотографии

Претходно 1 од 7 Следно

Сплитската дизајнерката Ивона Главаш ја претстави најновата колекција на својот бренд Anovi

Перуанската дизајнерка Клаудија Бартолеро

Илда Хумиќ, инфлуенсерка и сопственичка на брендот HI by Ilda

Модната куќа eLSi е познато име во меѓународната модна индустрија со својата колекција од висока мода

Индонезискиот моден дизајнер Julianto

The Muse е ерменски моден бренд на модерна и дизајнерска облека

Миланскиот моден бренд The Rizkianto