Трендот од 1990-тите повторно се враќа во мода: Некому ќе му се допаѓа, некому не, а Зои Кравиц го обожава!

Модата од 1990-тите секогаш предизвикува дебата и конфликти. Сиот тој моден пресврт што се случи во рок од десет години, роди мноштво трендови, од кои некои постојано се враќаат, па исчезнуваат.

Овој пат, трендот што воопшто не очекувавме да го видиме, бидејќи долго го немаше, сепак се појави, и тоа во комбинација на актерката Зои Кравиц. Благодарение на неа, овој тренд ќе продолжи да живее на модната сцена, барем уште извесно време.

Манекенките и познатите личности од 1990-тите често носеа едноставна маица и припиен фустан одозгора. И денес можеме да го забележиме истото. Популарната техника на нанесување слоеви можеше да се види на дами како Џенифер Анистон во филмот Picture Perfect и Алиша Силверстоун во филмот Clueless, од каде што и потекнува инспирацијата за неговата појава.

Така беше во 1990-тите, а и сега изгледа повторно ќе го реинтерпретираме стариот тренд. Зои Кравиц е првата негова заговорничка.

На претставувањето на книгата Barbie: The World Tour на Марго Роби и Ендру Мукамале, актерката носела црн фустан од тантела преку црна маица, што го искомбинирала со црни кожени салонки од брендот „Роу“.

Во меѓувреме, на модната ревија на „Баленсијага“ за есен 2024, една од манекенките исто така покажала монохроматско издание на овој тренд, носејќи црвен фустан од тантела преку истобојни слоевити маици и полуролки.

Без разлика дали ви се допаѓа овој тренд или не, едно е сигурно: уште долго ќе го гледаме во наредниов период.

Пролетниот елек е задолжителен оваа пролет: Еве како да го носите ова софистицирано парче!