Пролетниот елек е задолжителен оваа пролет: Еве како да го носите ова софистицирано парче!
Шест инспиративни идеи
Елекот е безвременско парче, идеално за пролет
Доколку размислувате што да си купите оваа пролет, вистинскиот избор е овој модел на елек од костим.
Елекот од костим потекнува од класичниот машки стил на облекување. Ако ги погледнете фотографиите од уличниот стил на инстаграм-ѕвездите, ќе забележите раст на популарноста на ова класично парче. Покрај нив, ни Холивуд не му остана имун. На ревијата на Кристијан Диор, Џенифер Лопез го облече токму ова парче. Оваа пролет, елекот ќе се носи во шик, ласкави силуети, цементирајќи го секој стајлинг до совршенство.
Ова класично парче има свои класични детали и дезени по кои е препознатливо. Но покрај класичните верзии, ви препорачуваме да одберете и трендовски пастелни варијанти, во сини, розови или жолти нијанси.
Во продолжение ви даваме инспирација за вашата следна инвестиција во ова парче што никогаш нема да излезе од мода…
Црно-бел свет
View this post on Instagram
Доколку никогаш претходно не сте инвестирале во вакво парче, задолжително тргнете од основните модели, како што се елеците во црна или бела боја. Можете да ги носите буквално во секоја пригода, од шетање во град, до работење во канцеларија или вечерно излегување.
Предимензиониран елек
View this post on Instagram
Облечете ваков предимензиониран елек и дозволете ѝ на стилската магија да тече. Можете да го наречете и елек-сако, ова парче дефинитивно е најпожелно за во канцеларија или за излегување со пријателките по напорен ден. Искомбинирајте го со суптилни очила за сонце со кружна рамка и бидете сигурни дека сите погледи ќе бидат вперени во вас.
Елек со линии во сива или морнарско сина боја
View this post on Instagram
Поврзани објави
View this post on Instagram
Директно од Вол Стрит. За ова парче облека, дизајнерите нашле инспирација од њујоршката берза за време на лудите 1920-ти, кога светот доживеал економски бум. Уживајте во смелите линии кои ќе ве охрабрат да го започнете денот со голем успех.
Бебешкосина нијанса за шик изглед
View this post on Instagram
Ниту една пролетна боја не е толку модерна како што е бебешкосината нијанса. Ова парче облека носи нежност и ќе ви предизвика вам и на луѓето околу вас насмевка на лицето, бидејќи оваа весела нијанса не може да предизвика ништо друго освен позитивни емоции. За посмел изглед, одберете неконвенционален елек со едно копче.
Елек за незаборавна вечер
View this post on Instagram
За незаборавна вечер, одберете елек со сатенски шал со ревери и сатенско копче во црна боја. Ова безвременско парче инспирирано од машките вечерни костими („Долче и Габана“ му посветија цела ревија за жени на ова безвременско парче), ќе ја направи вашата комбинација софистицирана и сензуална.
Ленен елек за преминот од пролет во лето
View this post on Instagram
Ленениот елек е идеален кога надвор е топло. Материјалот од којшто е изработен е истовремено лесен и шик. Доброто е во тоа што кога надвор е и топло и ладно, можете да понесете сако со себе или јакна, и така да се погрижите да ви биде пријатно. А така, ќе се обезбедите и за летото. Уловете две муви со еден удар.
Коментарите се заклучени.