Aнџелина Џоли „случајно“ ни ја откри оваа прекрасна креација на непознат дизајнер (ФОТО)

На гала-вечерта во Лос Анџелес, која ја организира магазинот Variety под називот Variety’s Power Of Women, славната актерка Анџелина Џоли беше еден од познатите гости што имаа чест да им врачат награди на оние што ја поддржуваат борбата за женските права.

Актерката ѝ ја врачи наградата на поетесата и активистка Аманда Горман.

Анџелина, освен како личност позната по својата хуманитарна работа, се издвои и со својот изглед.

На гала-вечерата се појави со ќерката Захара (16), која ја придружуваше мајка си во бела комбинација од глава до петици, додека, Анџелина исто така се одлучи за еднобојна варијанта, но во интересен карамел-тон.

Фустанот од муслин со А-крој, целосно затворен во предниот дел, се истануваше со набраните детали кои потсетуваа на ситни фалтички и со ракавите во облик на ѕвоно.

Креацијата е дело на Харит Хашим, дизајнер со мешано ирачко-либанско потекло.

Фото: Printscreen Instagram, Getty Images, Profimedia