Врвно предјадење: Лиснати полжавчиња со сирење

Ќе ви треба околу еден час за да ги приготвите овие лиснати полжавчиња, а ќе добиете предјадење за четири лица. Пробајте ги!

Состојки:

• 500 г лиснато тесто
• 300 г сирење
• 1 китка магдонос
• 4 чешниња лук
• 150 г путер
• сол

Приготвување:

• Префрлете го лиснатото тесто на набрашнета работна масичка, а потоа исучете го со сукало во два правоаголника со дебелина од 3 мм.
• Секој правоаголник исечете го надолжно на четири ленти.
• Крупно изрендајте го сирењето, па по средината на секоја лента од тестото ставете малку сирење. Залепете ги рабовите на тестото со прсти, па добиените витки замотајте ги во круг, да добиете изглед на полжав.
• Ситно исечкајте го магдоносот, па измешајте го со пасираниот лук и со растопениот путер. Додајте малку сол по желба и промешајте.
• Обликуваните полжавчиња наредете ги во плех за печење. Премачкајте ги со смесата од магдонос и лук, па посипете ги со остатокот од сирењето.
• Печете ги во рерна загреана на 200 степени Целзиусови додека поруменат.

Извор: Добра храна