Дочекајте го најголемиот христијански празник, Велигден, на богата и разновидна трпеза во семејното опкружување.
Приготвување: 30 мин.
Печење: 35 мин.
Состојки:
2 јајца • 100 г урда • 100 мл масло • 150 мл јогурт • 250 г брашно + брашно за посипување • 1 лажиче прашок за печиво • 1 средно голем страк праз • 1 лажица исечкан магдонос • 4 варени јајца • сол • масло
Приготвување:
1 Исчистете го празот и исечете го на коцки, па пропржете го на малку масло да омекне. Додајте го магдоносот и малку сол по желба, па промешајте го и оставете го настрана да се олади.
2 Пенесто изматете ги јајцата, па додајте ги урдата, маслото, јогуртот, брашното, прашокот за печиво и малку сол. Мешајте со миксер додека добиете изедначена смеса.
3 Во приготвената смеса додајте го оладениот праз и полека промешајте со лажица.
4 Намрсете го калапот за куглоф и посипете го со брашно, па сипете во него половина од смесата. Одозгора наредете ги сварените и излупени јајца и прелејте ги со остатокот од смесата. Печете во рерна загреана на 200°С, додека порумени коричката од тестото.
5 Оставете го печениот куглоф да се олади, а потоа превртете го на чинија.
Текст и фото: „Добра храна“