Вообичаено, луѓето имаат антипатија кон ова јадење, бидејќи месото од жаба не е месо што многу се користи во нашите краишта, но секој што пробал бара повторно, затоа што ова е исклучително вкусен специјалитет.
СОСТОЈКИ:
1 кг копанчиња од жаба
150 г брашно
3 јајца
лебни ронки
Поврзани објави
масло за готвење
сол
сок од лимон
ПРИГОТВУВАЊЕ:
- Жабјите копанчиња се чистат убаво, се мијат, им се става сок од лимон и се посолуват, па се оставаат малку да отстојат.
- Во подлабок сад, се загрева масло на јак оган, а за тоа време копанчињата се валаат прво во брашно, потоа во изматени јајца, повторно брашно, па во лебни ронки.
- Кога маслото ќе стане врело, се спуштаат копанчињата едно по едно и се пржат додека добијат убава румена боја, односно додека станат крцкави.
- Со жабјите копанчиња се сервираат варени компири, сос со мајонез и со лук, зелена салата или друг додаток по желба.
Рецепт на Јасминка Иванова од Кочани