Оваа салата е моја инспирација и мој рецепт! Вкусна, корисна и убава на око. Од домашните, оцената е петка. Ви препорачувам да ја приготвите во посни денови или во топли летни денови.
СОСТОЈКИ:
1 кг компири
2 конзерви туна
300 г моркови
2 главици цвекло
2 главици кромид
1/2 китка магдонос
200 г зелени маслинки со пиперки
1 лимон
Поврзани објави
сол
црн пипер
маслиново масло
ПРИГОТВУВАЊЕ:
Цвеклото, компирите и морковите се варат нелупени, па се лупат изладени.
Во компирите, се додаваат исечканиот магдонос, сокот од лимон, солта и пиперот, па се гмечи како за пире. По потреба, се додава малку вода од сварените компири.
Туната се гмечи со виљушка, морковите и цвеклото посебно се рендаат, кромидот се сечка колку може поситно, а маслинките се сечкаат на тенки кругови.
Салатата се реди: на чинијата, околу третина се става од пирето, потоа се нанесува туната и се попрскува со маслиново масло, а врз неа се нанесува кромидот. Потоа, се нанесува уште од пирето, а врз него изренданото цвекло и повторно се попрскува со маслиново масло. Врз цвеклото се нанесува малку од пирето, а потоа морковите.
Салатата се покрива со преостанатото пире и одозгора се украсува со маслинките. Меѓу редовите, наместо маслиново масло, може да се стави посен мајонез.
Рецепт на Наталиа Нацева од Велес