Турско пире од компири со месо, печурки и спанаќ: Кремливо, сочно и полно со витамини и минерали
Потпечено пире на турски начин
Совршена идеја за вкусен оброк – еве како Турците приготвуваат месо и пире од компири
Состојки:
За пирето:
- 5 поголеми компири
- 3 лажици путер
- 1 шолја млеко
- сол
За филот од месо:
- 300 г јунешко месо, на коцки (може и пилешко)
- 1 кромид
- 4 лажици масло
- 300 г спанаќ
- 200 г печурки
- сол и бибер
За сосот бешамел:
- 3 лажици масло или 2 лажици путер
- 2 лажици брашно
- 2 шолји млеко
- сол
Приготвување:
Прво, сварете компири за пирето. Пригответе го сосот бешамел така што во тенџере ќе загреете путер, додајте брашно и полека додавајте го млекото со постојано матење, додека се соедини смесата. Зачинете по вкус.
Кога ќе го приготвите сосот бешамел и компирот, почнете со приготвувањето на месото.
Во загреано тавче продинстајте кромид, додајте коцки јунешко или пилешко месо, а потоа и ситно сечкани печурки. Сето тоа зачинете го и динстајте на тивок оган околу 20 минути. Додајте и спанаќ, па кога ќе се соедини сето тоа, тргнете го од рингла.
Во компирот додајте млеко и путер, па изматете го во пире.
Во огноотпорни садови прво ставете слој пире од компири, па одозгора ставете слој од филот со месо, печурки и спанаќ, па преку сето тоа, обилно сипете сос бешамел и малку кашкавал.
Печете го јадењето во рерна околу 15 минути на 180 степени Целзиусови.
Погледнете ги деталните упатства за приготвување на овој рецепт во видеото во продолжение…
Коментарите се заклучени.