Ручек за денес: Пригответе превкусни милански шницли и почувствувајте се како да сте отпатувале за миг во Италија!
Многу сочно јадење
Идеална комбинација на месо, кромид и домати
Доколку сакате да приготвите нешто ново за ручек, ова е идеалниот рецепт! Шницлите ќе ви бидат сочни, а од доматот ќе се создаде и превкусен сос.
Состојки:
- 800 г до 1 кг шницли по избор
- 1 домат
- 200 мл доматен сок
- 1 главица кромид
- сол и бибер, лист од магдонос, малку босилек
- брашно за валање на шницлите
- масло
Приготвување:
Исчукајте ги шницлите, па посолете ги и забиберите ги. Премачкајте огноотпорен сад со масло, па на дното наредете ред шницли, без да ги валате во брашно. Посипете ги со сечкан кромид, малку босилек и магдонос.
Наредете втор ред шницли, што ќе ги извалате во брашно и ќе ги посипете со кромид. Повторувајте го истото додека имате шницли.
Поврзани објави
На крај, прелејте го сето тоа со малку масло, не повеќе од 100 мл и со доматен сок.
Долејте малку вода, колку да биде целото јадење во течност. Одозгора наредете исечени кругови домат.
Ставете го јадењето во рерна и вклучете ја на 200 степени. Пред да го ставите во рерна, покријте го садот со алуминиумска фолија или со капак.
Печете ги околу 2 часа. По час и половина, проверете ги, протресете ги шницлите со виљушка, доколку се залепиле една за друга. Можете и да ја отстраните фолијата или капакот за да се потпечат малку и одозгора.
Добар апетит!