Ручек за денес: Ловечки шницли – највкусното месо што некогаш сте го пробале!
Пробајте!
Идеален рецепт за понеделнички ручек
Не е лесно да приготвите вкусно, меко и сочно месо, особено кога станува збор за телешко. Со овој рецепт нема да погрешите, се приготвува лесно и успева секој пат!
Состојки:
- 500 г телешки шницли
- 1 лажица брашно
- 2-3 лажици масло
- 2 чешниња лук
- мелена слатка пиперка
- бибер
- магдонос
- мешавина од зачини
Приготвување:
Исечете ги шницлите на подебели парчиња и исчукајте ги, па пропржете ги на масло. Кога ќе заруменат малку, извадете ги шницлите, па на истото масло пропржете лук, додајте брашно, црвена пиперка, зачини и бибер, па сипете вода за добиете сос.
Вратете ги шницлите во сосот и гответе ги со долевање вода додека омекнат. Можете да ги динстате и во експрес-лонец за да бидат уште помеки и неодоливи.
Кога шницлите ќе бидат готови, посипете ги со малку ситно сечкан магдонос.
Вака вкусно приготвеното месо можете да го послужите со помфрит, пире од компири или со ориз. Добар апетит!