РУЧЕК ЗА ДЕНЕС: Пилешко во кремаст сос од домати – одличен избор за летен оброк!

Брз летен ручек што добро ќе ви дојде ако немате многу време за готвење. Не ви требаат многу состојки, а сигурно веќе ги имате дома.

Состојки:

• 1 главица кромид
• 1-2 моркова
• 600 г пилешко бело месо
• бибер, сол, слатка пиперка, зачини по вкус, лавров лист
• 2 домата
• 2 лажици доматно пире
• 250 мл вода
• 1 лажиче брашно
• прилог (компир или тестенини)

Приготвување:

Ставете тенџере со масло на оган да се загрее. Потоа, исечкајте кромид и морков, па ставете ги во тенџерето да се пропржат. Месото исто така исечкајте го, па ставете го да се динста со кромидот и морковот. Додајте лавров лист, црвена слатка пиперка, малку бибер, сол, зачин по желба, две лажици пасиран домати и додајте една чаша вода.

Поклопете и оставете да се динста, додавајте вода по потреба додека месото стане меко. Кога месото ќе биде готово, излупете два домата, исечкајте ги и додајте ги во тенџерето.

Во шолја разматете лажиче брашно со вода и додајте го во јадењето. Сето тоа добро промешајте го и оставете го да крчка. Пригответе пире од компири или тестенини, па сервирајте ги во чинијата со главното јадење.

Добар апетит!

Ручек за денес: Пилешко месо во сос од печурки – најбрза и најлесна подготовка на превкусно јадење!