Ручек за денес: Грав на италијански начин – никогаш немате пробано вакво јадење!
Пробајте
Тетовскиот грав приготвен на италијански начин е извонреден ручек за мени без месо
Состојки:
- 300 г тетовски грав
- 3-4 главици кромид
- 500 г излупени домати
- 1/2 лажиче шеќер
- 2 шолји исечкан магдонос
- 1 лажиче оригано
- масло
- сол
- бибер
Приготвување:
Потопете го гравот околу 2 часа, потоа сварете го во солена вода и кога добро ќе се свари, исцедете го. На масло пропржете кромид исечкан на крупни парчиња. Додајте домати, шеќер и грав, оригано, сол и бибер и сето тоа варете го на многу тивка температура околу 20 минути. На крај, додајте магдонос.
Ако постите на вода, изоставете го маслото, а варениот грав гответе го со доматите и другите состојки малку подолго за да се зготви кромидот.
Добар апетит!