Уживајте приготвувајќи за своите дома неодоливи домашни деликатеси, израдувајте ги и изненадете ги со нови вкусови. За приготвување на ова јадење можете да искористите и пилешко месо останато од претходниот ден.
Состојки:
- 500 г пилешко бело месо
- 150 г брашно
- 1 среден страк праз
- 300 г шампињони
- 200 мл павлака за готвење
- 200 мл млеко
- 40 г пармезан
- масло
- сол
Приготвување:
Празот се чисти и се сече на коцки, шампињоните се сечат на листови.
Во тавче на малку масло се пропржува празот да омекне, а потоа се додаваат шампињоните и сето тоа заедно се динста додека омекне зеленчукот и изврие вишокот течност.
Поврзани објави
Пилешкото бело месо се сече на помали парчиња, се зачинува по желба и се вала во брашно.
Парчињата се пропржуваат на врело масло од двете страни, да поруменат малку. Потоа се вадат и се оставаат на топло.
На маснотијата од месото се додаваат две лажици брашно и се меша со маталка. Се додаваат павлаката за готвење и млекото, па потоа се вари со непрекинато мешање, додека се згусне. Ако е сосот премногу густ, се долева малку вода.
При крајот на варењето се додава пармезанот и зачини по желба.
Се намрсува огноотпорен сад и во него се распоредува прженото пилешко. Се прекрива со пржените печурки и со празот и се прелева со сосот од павлака.
Се пече во загреана рерна на 200°С, околу 35 минути.
Текст и фото: „Добра храна“