Ова вкусно јадење се приготвува 30 минути, а за да се испече во рерната, потребни ви се 60 минути. Добар апетит!
СОСТОЈКИ:
1 главица карфиол
200 г сирење
200 г шунка
150 г чадена сланина
3 јајца
200 г павлака
лебни ронки
оригано
сол
црн пипер
сок од лимон
ПРИГОТВУВАЊЕ:
- Во вода со сол и сок од лимон се обарува 1 главица карфиол. Се исцедува водата, па карфиолот се дроби на цветчиња.
- Огноотпорниот сад за печење се намрсува, потоа се посипува со лебни ронки, па се реди половината од карфиолот.
- Врз карфиолот се распоредува изронетото сирење, потоа се реди исечканите шунка и сланината, па посипуваме малку оригано и го редиме остатокот од карфиолот.
- Врз мусаката истураме прелив од три измиксирани јајца измешани со 200 мл павлака, малку сол и малку црн пипер, а одозгора наросуваме со лебни ронки.
- Се пече додека мусаката зарумени, најмалку 1 час.
Текст: Убавина и здравје