За приготвување на овој вкусен десерт ќе ви бидат потребни 30 минути, за обликување 10 минути, а за украсување 30 минути. Добар апетит!
СОСТОЈКИ:
600 г бисквити
1 пакетче желе-бонбони
100 г кокос
100 г урми
2 пудинга од чоколадо (ванила)
1 шлаг-пена
1/2 маргарин
1,5 л млеко
(може да се додадат суво грозје, оревчиња, крем-банани, по ваша желба)
ПРИГОТВУВАЊЕ:
- Во еден сад ги кршиме бисквитите, ги сечкаме желето и урмите, па го додаваме и кокосот. Убаво ги промешуваме.
- Во тенџере на тивок оган го вариме пудингот со еден литар млеко и во него го додаваме маргаринот да се растопи при варењето.
- Со сварениот пудинг ги посипуваме бисквитите, потоа промешуваме и ја формираме тортата во сад за торти.
- Шлаг-пената ја матиме со преостанатото млеко и со неа ја украсуваме тортата.
Текст: Убавина и здравје