Доаѓа сезоната на младите компирчиња, а овој рецепт ќе ве воодушеви
Состојки:
- млад компир, количина по потреба
- морска сол, по вкус
- бибер, по вкус
- маслиново масло
- 1 лажица сенф
- 1 лажица мед
- рузмарин
Приготвување:
Загрејте ја рерната на 200 степени Целзиусови. Измијте ги компирите и исушете ги, а плехот обложете го со хартија за печење.
Компирите пресечете ги на половина (ако се поситни) или на четвртини (ако се покрупни), ставете ги во плехот, посолете ги и зачинете ги со бибер. Од гранчето, извадете ги игличките рузмарин, исечкајте ги ситно и посипете ги врз компирите. Во посебна чинија измешајте сенф, мед и маслиново масло и сипете ја таа смеса врз компири, а потоа, сето тоа добро измешајте го (најдобро со раце за да се нанесе смесата рамномерно).
Компирот ставете го во рерна и печете околу 45 минути (зависи од јачината на рерната). По 25 минути, промешајте го малку компирот и вратете го во рерна.
Готовиот компир послужете го додека е топол како прилог со пилешко, бифтек или јунешко.
Добар апетит!
Млади компирчиња во сусам: Однадвор крцкави, однатре меки како путер!