Пригответе ги и ќе се уверите дека боемските колачи се совршениот десерт!
Состојки:
За кората:
- 5 јајца
- 300 г шеќер
- 10 лажици вода
- 200 г екстра бело брашно
- 2 лажици какао
- 1/2 прашок за печиво
За преливот:
- 100 мл вода
- 1 ванилин шеќер
- 2 лажици рум
За полнењето:
- 500 мл млеко
- 15 г желатин
- 5 жолчки
- 300 г шеќер
- 2 лажици екстра бело брашно
- 500 мл слатка павлака
- 2 лажици какао
За декорација:
- 200 мл слатка павлака
- шарени шеќерни трошки
Приготвување:
Кората:
1. Жолчките се матат со 200 г шеќер, а потоа се додаваат водата, екстра белото брашно, какаото и прашокот за печиво.
Поврзани објави
2. Белките се матат со миксер со 100 г шеќер, па се соединуваат со изматените жолчки.
3. Добиената смеса се префрла во плех за печење со големина 22 х 32 см, обложена со хартија за печење и се пече кората на 180°С, околу 10 минути.
Полнежот:
1. Желатинот се потопува во 3 лажици млеко, а остатокот од млекото се става да зоврие.
2. Жолчките се матат со шеќерот и екстра белото брашно, а потоа смесата се вари во зовриено млеко.
3. Во врелиот полнеж се додава желатинот, кој набабрил, и се меша додека се стопи.
4. Се мати слатката павлака и внимателно се соединува со полнежот на собна температура. Се дели на два дела и во едниот се додава какаото.
Финална постапка:
1. Во водата се топи ванилиниот шеќер, па се додава румот. Добиениот сируп се прелева преку кората.
2. Се мачка прво жолтиот, а потоа и кафениот полнеж.
3. Се мати слатката павлака и се декорира колачот по желба. Се посипува со шеќерните трошки.
Извор: Добра храна
Пробајте ги и овие непечени ситни колачиња за паметење!