Доколку ја послужите за појадок или за ужина, сигурно нема да погрешите, ќе уживате во секое залче.
Приготвување: 40 мин.
Мирување: 60 мин.
Печење: 40 мин.
Состојки:
За тестото:
- 600 г брашно
- 25 г свеж квасец
- 1 лажиче сол
- 2 лажици шеќер
- 300 мл топло млеко
- 50 г путер
- изрендана кора од лимон
- 2 јајца + 1 јајце за премачкување
За филот од ореви:
- 500 г мелени ореви
- 300 г шеќер
- 10 лажица млеко
- 2 белки
Приготвување:
Тестото:
1 Во подлабок сад се соединува 100 мл топло млеко со издробениот квасец, лажиче шеќер и брашно. Добро се мати и се остава на топло да нарасне.
2 Во садот се додава половина од брашното, се ставаат сол и шеќер и се меша. Се додаваат јајцата, изренданата кора од лимон, стопениот путер и преостанатото млеко, па со рака се меси мазно тесто.
3 Измесеното тесто се пре-крива со сува крпа и се остава на топло.
Филот:
Се соединуваат мелените ореви и шеќерот, па се додаваат млекото и белките, па добро се меша.
Финалната постапка:
1 Нараснатото тесто се сучи со сукало во правоаголник и се премачкува со филот од ореви. Потоа се мота во ролат.
2 Калапот за куглоф се намрсува и се набрашнува, па се набира, се премачкува и се става во него штрудлата. Се прекрива со крпа и се остава да се нарасне.
3 Тестото се премачкува со изматено јајце и се пече во загреана рерна на 200°С, додека порумени. Печениот куглоф се превртува наопаку. Пред служењето се посипува со шеќер во прав.
Текст и фото: „Добра храна“