Домашен сладолед од боровинки што мора да го пробате!
Потребно ви е многу малку време, добра волја и омилено овошје
Предностите на правење сладолед дома се тоа што можете да создадете вкусови по ваш вкус и што е најважно, наместо шеќер можете да користите природни засладувачи како мед. Наша препорака е сладолед со моментално актуелно овошје. Наместо боровинки можете да користите малини, јагоди, капини.
Состојки:
- 250 гр боровинки
- 250 мл павлака
- 250 мл слатка павлака
- 150 гр шеќер
- сок од лимон
Подготовка:
- Измиените боровинки посипете ги со шеќер и оставете ги да стојат некое време, за да го ослободат сокот. Изматете ја слатката павлака и ставете ја во фрижидер.
- Во блендер исецкајте ги боровинките во мека смеса, па префрлете ги во подлабок сад.
- Потоа, додадете сок од лимон и павлака и измешајте сè во униформа маса. На крај, додадете ја изматената слатка павлака, внимавајќи масата да биде компактна. Истурете во посакуваниот сад, калап и чувајте го во замрзнувач.
- За неколку часа уживањето може да започне.