Готовиот ролат оставете го прекуноќ во фрижидер, за да се стегне добро кремот
За приготвување на овој десерт ќе ви бидат потребни 45 минути, а за негово печење само 15 минути.
Состојки:
За кората:
- 6 белки
- 120 г шеќер
- 4 лажици масло
- 80 г брашно
- 1 прашок за печиво
За филот:
- 6 жолчки
- 200 мл слатка павлака
- 130 г кисела павлака
- 120 г шеќер
- 150 г јагоди + 100 г јагоди за украсување
- 10 г желатин во прав
Приготвување:
Кората:
- Белките се матат во цврст снег, постепено додавајќи шеќер. Потоа се сипува масло во тенок млаз, со непрекинато матење со миксер.
- На крајот со маталка се замешуваат брашното и прашокот за печиво.
- Плехот се обложува со хартија за печење и во него се става смесата за кората. Се израмнува и се пече во загреана рерна на 180°С, додека зацрвени. Печената кора, заедно со хартијата за печење, се витка во сува крпа и се остава да се олади.
Филот:
- Жолчките се матат со шеќерот и се варат на пареа.
- Желатинот се прелева со 4 лажици ладна вода, па, откако ќе набабри, се става во врелата смеса од жолчки и се меша додека се растопи.
- Во оладениот крем од жолчки се додава шлагот од слатка и кисела павлака, па се меша со лажица.
- На крајот се додаваат исечените јагоди и полека се меша со маталка.
Конечна постапка:
- Кората се премачкува со половина од филот и се витка во ролат, па се поставува на послужавник.
- Ролатот одозгора се премачкува со остатокот од филот и се украсува со преостанатите јагоди.
Текст и фото: „Добра храна“