Ќе „пукне“ од завист: Знаци кои откриваат дека колешката ви завидува!

Ниту една работна средина не е совршена, но работата со завидливи колешки ги прави работите уште полоши. Кои се знаците кои откриваат завидлива колешка?

1. Ве избегнува

Ако колешката се обидува да помине што е можно помалку време со вас и не одговара на пораки за време на работното време, ова би можело да биде нејзин начин да управува со тешките емоции што ги чувствува кога сте наоколу. Љубоморната колешка исто така има тенденција да ве игнорира кога зборувате или да ве исклучува од социјалните активности. На овој начин се обидува да ја поткопа вашата самодоверба или да ве оцрни пред другите колеги.

2. Ве саботира

Завидливата колешка има тенденција намерно да ги крие информациите што ви се потребни за добро да ја завршите вашата работа. Таа, исто така, често може да ви „помогне“ или уште полошо, да ве води на погрешен пат. Ако е ваш претпоставен, може да се случи да ви даде или лесни задачи (за да не можете да се развивате на работа) или премногу тешки задачи за во очите на директорот да испаднете неспособни.

3. Постојано ве критикува

Ако вашата колешка не пропушта прилика да ви го посочи неуспехот (често дури и го измислува) и секогаш пред другите (особено кога не сте присутни во канцеларија), тоа е сигурен знак дека ве доживува како конкуренција. Ваквото однесување открива потиснати стравови и неизлечени трауми и не треба да го сфаќате лично (колку и да звучи чудно).

4. Ја зема заслугата за вашите достигнувања

Друг знак дека колешката се натпреварува со вас е тоа што таа ги краде вашите идеи и ја презема целата заслуга за успехот на некој проект иако сте тим. Таа едноставно нема свои идеи и е свесна за своите ограничени капацитети (иако никогаш не би го признала тоа) и ја користи секоја прилика да ги украде туѓите.

5. Нејзиниот говор на телото се менува кога сте наоколу

Повеќето луѓе учат да ја кријат зависта, особено на работно место, за да избегнат конфронтација ,но некои луѓе се подобри од другите во контролирањето на говорот на телото. Може да забележите промени во изразот на лицето, контактот со очите и гестовите на колешката кога ќе се приближите до неа. Одбранбениот говор на телото сугерира дека тие се обидуваат да управуваат со негативните емоции. Агресивниот говор на телото може да биде надворешен одраз на гнев и љубомора.