Славниот актер веќе 8 години се бори со канцерот: „Мислам дека тоа е поради стероидите кои ги земав долго време“ (ФОТО)

Шведскиот актер Долф Лундгрен (65) открил дека веќе осум години се бори со карцином на белите дробови.

Актерот ова го кажал во емисијата „In Depth with Graham Besinger“, откривајќи дека ракот му бил дијагностициран во 2015 година. Тој смета дека причина за ова може да биде тоа што во минатото интезивно употребувал стероиди додека се занимавал со бодибилдинг.

Славниот актер истакнал дека болеста влегла во ремисија, но дека пак се вратила во 2020 година. Тогаш еден доктор му рекол дека му останале уште две или три години живот, но побарал и друго мислење. Му било препорачано третман кој резултирал со смалување на туморот.

„Ова е еден ден после мојата операција, ми извадија еден тумор, потоа пронајдоа уште два и на крај уште три мали. Се надеваме дека е исчистено, ако умре, умре – рекол Лундгрен на снимката од болницата која ја покажал во емисијата, аплудирајќи на на својата незаборавна реплика од филмот „Роки 4“.

„Пробав стероиди уште во 80-те и 90-те. Не знам дали тоа има врска со ракот, но нормално дека ме погоди, бидејќи би можело да има врска со тоа. Размислував за тоа, секогаш мислиш дека си погрешил. Мислам дека можеби сепак постои некоја врска помеѓу терапијата со тестосторон и ракот. Кога бев млад земав стероиди и тоа можеби 10-ина години“.