Синот на Марина Туцаковиќ за преселбата во Македонија: „Избегав од дома, црнилото и од депресијата!“
Соработката со Дарко Димитров го врати во живот
Синот на популарната авторка на најголемите хитови во регионот Марина Туцаковиќ, Милан Радуловиќ Лаќа, зборуваше за животот што го имал пред доаѓањето во Македонија, откривајќи дека се преселил за да избега од себе, црнилото и од депресијата што владееле во неговиот дом.
Авторот на најголемиот хит на годинешните српски претставнички на „Евровизија“ – „Фаворито“, групата Hurricane, и на песната „Ране“ на младата Анастасија Ражнатовиќ, во искреното интервју за „Нова.рс“ раскажа зошто не престојува во куќата во која му почина постариот брат и се разболе неговата мајка.
Избегав од себе, од својата куќа во која има премногу црнила, преголема депресија, каде што само работев и работев… Не спиев, и тоа не можеше повеќе да го издржи мојот мозок. Требаше да се запознаам со Дарко Димитров, да почнам да соработувам со него, да работиме на ‘Фатаморгана’ со Северина, да почнеме да се дружиме. Почнавме да работиме и сфатив дека одлично функционираме како тандем. А луѓето во Скопје се многу пристојни и повоспитани. Единствениот инцидент ми се случи со еден таксист, кој ми кажа: ‘Имаш 1.000 денари, што не зеде нешто поситно?!’“.
Поврзани објави
На прашањето дали смета дека некои луѓе се лутат поради тоа што му е подобро, Милан одговори:
Мислам дека луѓето мислат дека мене ми е многу полошо. Сите знаат каков лудак сум, и колку деструктивен можам да бидам, но мене ми е подобро, а ним да им објаснувам дека е така е глупаво. Нема ни да ми веруваат, немаше да напишам ниту една добра песна, немаше да направам ниту еден хит ако не ми беше подобро. И за тоа сум му ненормално благодарен на Дарко Димитров, не како продуцент, туку како пријател и човек.“
Фото: АТА Images