Се разведува Кејт Бланшет по 26 години брак? Ја извадила бурмата и со месеци не била видена со сопругот!

Кејт Бланшет ги збунила обожавателите откако се појавила на доделувањето филмски награди БАФТА без бурмата.

Австралиската актерка (54), која е во брак со драматургот Ендру Аптон (58) од 1997 година, ги воодушевила сите присутни на свеченоста во организација на британската филмска индустрија во бордо фустан на Николас Гаскиј за „Луј Витон“.

Меѓутоа, наместо да го носи својот венчален прстен од бело злато и дијаманти, ѕвездата носела голем коктел-прстен со драги камења. Нејзиниот сопруг не присуствувал на настанот.

Интересно е што Кејт, исто така, била забележана без прстенот на почетокот од месецов, кога присуствувала на настан во Њујорк во Музејот за модерна уметност на 6. февруари.

Кејт не се ни обидела да сокрие дека не носи бурма. Актерката се смеела пред фотографите на ексклузивниот настан.

Во октомври 2023 година, Кејт исто така била видена без венчалниот прстен, додека седела во прв ред на ревија на Стела Макартни, за време на модната недела во Париз.

Наместо тоа, актерката носела сет елегантни златни белегзии.

Извор близок на парот во понеделникот изјавил дека исчезнатиот прстен на Кејт поттикнал озборувања во врска со статусот на нејзиниот брак.

„Нивните пријатели се шокираа кога ја видоа Кејт без прстен. Првпат ни се чини дека работите не се толку розови“, открил анонимен извор.

Знакот прашалник веќе некое време виси над бракот на Кејт и Ендру.

Двојката исто така не била видена заедно од август, кога биле фотографирани како уживаат на одмор на Ибица.

А нештата станале уште посомнителни кога на почетокот од месецов ја ставиле на продажба својата пространа вила во Мелбурн.

Кејт и Ендру имаат три сина, Дашил (22), Роман (19) и Игнасио (16), и ќерка по име Идит (8).