Не се појавила на неговиот роденден, јасно дава до знаење дека е независна: Што се случува со Меланија Трамп?
Дознајте повеќе
Откако ја напушти Белата куќа, поранешната прва дама стана незапирлива
Откако семејството Трамп ја напушти Белата куќа во јануари, јавноста е љубопитна да дознае што се случува со поранешната прва дама и каде исчезна изминатава пола година.
Озборувањата дека се разведува од Доналд само ги засили фактот што не се појавила ни на прославата на неговиот 75. роденден на 14 јуни.
View this post on Instagram
Првата дама на Палм Бич
Меланија ги одбегнува јавните појавувања со Трамп откако Џо Бајден го замени на местото на претседател во јануари. Но посетители на нивната недвижнина Мар-а-Лаго на Флорида, ја забележале поранешната манекенка во придружба на синот Барон на ова место. Имено, тогаш сите тројца се појавиле во приватниот клуб, каде што добиле овации и аплауз од страна на обожавателите на Доналд.
Меланија ја отворила и канцеларијата во резортот на Палм Бич, а извештаите сугерираат дека планира да ја продолжи својата иницијатива Be best, која се фокусира на благосостојбата на децата токму во оваа локална заедница.
Поврзани објави
Госпоѓа независна
Како преостанатите членови на семејството, вклучувајќи ги и Доналд Помладиот и Тифани, и убавата Словенка бара недвижнина надвор од империјата Мар-а-Лаго. Кога семејството било сместено во Њујорк, Меланија имала свој стан одвоен од нивниот пентхаус во Кулата Трамп на Петтата авенија, па фактот што и сега сака приватност, не би требало да зачуди. Меѓутоа, гласините за нејзината потрага по нов дом послужиле да се разгорат шпекулациите за разводот од поранешниот претседател.
View this post on Instagram
Враќање во Големото јаболко
Меланија отсекогаш го сакала гламурозниот живот во Њујорк, а последната забележана појава на поранешната прва дама била токму на улиците во овој град додека ја напуштала Кулата Трамп. Фактот дека овде се нејзината сестра Инес Кнаус, како и родителите Виктор и Амалија Кнаус, кои добиле американско државјанство, упатова на тоа дека поранешната прва дама сепак изгледа ќе остане во Големото јаболко на неодредено време.
Политички извор близок на поранешната претседателска двојка открил дека Меланија е задоволна што поминува време со семејството и дека нејзиниот сопруг нема проблем со тоа, сè додека таа е среќна, не го оптоварува и се појавува на јавни собири кога му е потребна.