Морничаво признание на пациент една недела пред неговата смрт: Медицинската сестра се скаменила од овие зборови!

Не е лесно да се биде медицински работник. Покрај стресното опкружување, може да се случат и неконвенционални работи и да ги направат нештата уште полоши. Еден таков случај е токму овој што го споделила една медицинска сестра.

Човек на смртна постела ги поминал своите последни денови помагајќи ѝ на полицијата да реши случаи на убиство, откако признал дека учествувал во злочинот. Во своето признание пред смртта, човекот рекол дека бил поранешен член на банда, која убивала луѓе во замена за пари.

Откако ѝ го открил своето признание на медицинската сестра која работела на неговото одделение, таа била принудена да го контактира правниот тим на болницата, признавајќи дека не постојат политики што се занимаваат со вакви ситуации. Медицинската сестра открила:

„Имавме поранешен член на банда, кој умираше од рак и призна дека тој бил убиецот на бандата, долги години!

Сакаше да ги признае сите убиства и да ѝ покаже на полицијата каде се закопани телата. Кажа дека ќе се чувствува подобро ако знае дека семејствата на неговите жртви дознаат каде им се погребани блиските. Моравме да вклучиме болнички правен тим, бидејќи немавме никаква политика што се занимавала со тоа, а човекот тогаш призна убиства од пред неколку децении.“

По оваа исповед, природно е што луѓето се интересирале што се случило потоа: дали човекот бил уапсен и префрлен во затворска болница.

„Во таква ситуација, дали го апсат човекот или го приведуваат или само го пуштаат да остане во болница? Дали одеднаш се појавува полицаец пред неговата соба?“

„Се прашувам дали тој навистина го направил сето тоа сам. Ова се чини како совршен начин за да ги заштитите своите пријатели…“

„Од една страна, среќа што ја открил оваа информација. Од друга страна, веројатно никогаш не би отворил уста да не умирал, знаејќи дека нема да има последици (барем не на овој свет)“, коментирала јавноста.

Во дополнителна објава, медицинската сестра напишала:

„Полицијата му зеде изјава, но никогаш не беше обвинет, бидејќи буквално умираше. Умре во болница една недела подоцна. Никогаш не дознавме дали информациите што ги даде довеле до нешто. Постојано се надевав на некаква голема вест за тоа, но не сакавме да поставуваме премногу прашања поради поврзаноста со бандата.“

До денес не се знае што се случило со закопаните тела, ниту каде воопшто се наоѓаат. Целиот случај сега е во рацете на полицијата и на истражното биро, но како што стојат работите, најверојатно овој случај никогаш нема да биде решен.

Живеел разуздано, имал куп пари: Сепак, на смртната постела побарал само едно нешто!