Многу луксуз, драма и љубов: Ги нарекуваат италијанските Кардашијани, додека тие заработуваат милиони!
Семејството Ферањи
Таа е блогерка, инфлуенсерка, претприемачка, а сега и ријалити ѕвезда
Италијанската инфлуенсерка Кјара Ферањи полека го изгради својот имиџ на позната инфлуенсерка и трендсетерка во Италија. Таа ја започна кариерата со блогот The Blond Salad, каде што се занимаваше со мода и патувања, а денес има сопствен моден бренд, агенција и речиси 30 милиони следбеници на Инстаграм, со што важи за една од најпознатите инфлуенсерки во светот.
Кариерата ја започнала во 2009. со споменатиот блог, а својата работа со текот на времето ја проширила и на Инстаграм, каде што денес, покрај деловни соработки, објавува и делови од своето секојдневје кое моментално ѝ го исполнуваат Лео и Виторија, двете деца што ги добила со италијанскиот рапер Федез.
View this post on Instagram
Освен нив, на Инстаграм често може да се видат и нејзините сестри Валентина и Франческа, како и родителите Марина Ди Гуардо и Марко Ферањи.
Нејзината најмала сестра Валентина тргнала по нејзини стапки, па моментално ѝ е посветена на инфлуенсерската работа која ѝ донела соработки со луксузни брендови, како што се „Прада“, „Диор“, „Фенди“ и „Луј Витон“, а има и сопствена линија на накит. Од друга страна, Франческа тргнала по стапките на нивниот татко и станала докторка по дентална медицина.
View this post on Instagram
Сепак, и кај неа повремено може да се видат платени објави од различни брендови. Девојките ја засакале модата благодарение на мајка им, која еден период била во модниот бизнис, а денес е книжевничка која зад себе има неколку крими-романи.
Токму поради тоа што целото семејство е присутно на социјалните мрежи, Италијанците ја нарекуваат Кјара италијанската Кардашијанка. Имено, и таа како и Ким, ги повлекла своите сестри во светот на инстаграм-маркетингот, а добро познато е дека сите тие имаат свои дополнителни бизниси – од бјути-брендови до алкохолни пијалаци.
View this post on Instagram
Она што дополнително потврдува дека Ферањи би можеле да бидат новите Кардашијани е фактот што имаат свој реален документарец The Ferragnez, кој настанал во продукција со платформата Амазон. Во серијата може да се види целото семејство – од Кјара и Федез и нивните деца, до нејзините родители и сестри, како и родителите на Федез. Многу Италијанци ѝ замеруваат поради тоа што премногу ги експонира своите деца во медиумите и тврдат дека веќе не гледаат разлика меѓу неа и Кардашијанките.
View this post on Instagram
На овие коментари еднаш одговорил и Федез во подкастот Breaking Italy.
„Кардашијанките се реално шоу, а јас и Кјара прикажавме само мал дел од нашиот живот.“
View this post on Instagram
Сепак, многумина не би се согласиле со тоа. Имено, во мај минатата година се откри дека тој боледува од рак на панкреасот. По објавата и барањето приватност, претприемачката и раперот се повлекле од социјалните мрежи. Сепак, во својот реален документарец првата епизода ја посветиле на здравјето на Федез – сè од одењето на рутински преглед поради астма до откривањето дека, сепак, има проблеми со панкреасот.
Коментарите се заклучени.