Мет Дејмон танцувал брејк-денс на плоштадот за да собере пари
Немал поддршка на патот кон славата
Како 16-годишник, Мет Дејмон (50) одлучил да се пресели од родниот град Кембриџ, САД, за да го оствари својот сон за актерска кариера. Неговите родители не го поддржале и одбиле да го финансираат неговото патување во Њујорк. Но ова не го обесхрабрило за да собере пари за преселување, па тој танцувал брејк-денс на плоштадот Харвард во Кембриџ.
Сепак, тој одлучил да се одмори од сонот за глума и се запишал да студира англиски јазик на Универзитетот Харвард. Мет го напуштил факултетот додека бил на чекор до дипломирање за улогата во филмот „Геронимо: Американска легенда“ затоа што очекувал да доживее голем успех. Вестернот пропаднал и не успеал да ги врати вложените 50 милиони долари, заработувајќи само 18,6 милиони долари.
Мет првпат глумел во филмот „Производителот на дождови“ од 1997 година, а режисерот Франсис Форд Копола решил да го ангажира бидејќи видел колку е посветен на глумата. Имено, тој бил зачуден што Мет бил подготвен да направи големи трансформации како слабеење. Покрај тоа, Дејмон работел како шанкер во еден бар за да го усоврши акцентот за карактерот на адвокатот и ангажирал клиент да му помогне да го трансформира својот говор.
Пресвртна точка во кариерата на Мет се случила во 1997 година кога тој заедно со неговиот добар пријател и далечен братучед Бен Афлек напишал сценарио за филмот „Добар Вил Хантинг“, што им донесе „оскар“ за најдобро оригинално сценарио. За да снимат романтична драма, Дејмон и Афлек морале да вложат многу труд.
Поврзани објави
Своето сценарио го носеле во различни продукциски куќи во Холивуд, но биле загрижени дека никој всушност не го прочитал. Затоа, тие направиле мал тест и додале еротска сцена во која се бакнуваат Шон и Вил. Кога се сретнале со луѓе од продуцентската куќа „Мирамакс“, им рекле дека се воодушевени од сценариото, но сметаат дека треба да ја исфрлат таа скокотлива сцена. Мет и Бен се согласиле и филмот бил снимен.
Покрај актерството, Дејмон привлече внимание и со својот љубовен живот. Тој едно време беше во врска со колешката Мини Драјвер околу една година, а таа наводно открила дека раскинале преку телевизија. Имено, за време на гостувањето во „Опра шоу“, Мет негирал дека имал врска со Мини.
Тој ја бакна и својата колешка Винона Рајдер и тие дури беа верени, но таа го остави. Таа го одбила заради актерот Марк Волберг. Потоа наводно се шпекулирало дека Мет се гледа и со Пенелопе Круз, но никој од нив не го потврдил или негирал тоа.
Сепак, актерката го пофали Дејмон во „Опра шоу“.
Мет е многу посебен човек, духовит и тој е една од најдарежливите личности што некогаш сум ги сретнала во мојот живот. Нема никакви недостатоци“, истакнала таа.
Дејмон конечно се смири во 2005 година со дизајнерката на ентериер Лусијана Баросо (44) со која ги доби ќерките Изабела (14), Гиа (12) и Стела (9). Актерот ја смета за своја и ќерката на Лусијана, Алесија (21), па затоа никогаш не прави разлика помеѓу неа и неговите биолошки ќерки.
Извор: „Слободен печат“