„Ме убедуваа дека морам да спијам со него за да го спасиме филмот“: Сега ТОЈ се заканува дека ќе открие шокантни работи за актерката

Иконата на светската кинематографија, Шерон Стоун, веќе неколку дена е во центарот на вниманието, и тоа поради шокантното признание што не го открила до крај во своите мемоари со наслов „Убаво е кога живееш вторпат“, објавени пред три години.

Имено, сега комплетно отворено раскажала детали од својата богата кариера, од кои голем дел вклучуваат крајно непријатни ситуации и отворени понуди за сексуални односи, за да може полесно да се пробие во филмската индустрија.

Меѓу другото, Шерон Стоун проговорила и за филмот Sliver од 1993 година.

„Сакаа да им донесам уште еден хит каков што беше филмот ‘Основен инстинкт’. Прво, ми кажаа дека ќе можам да ги бирам актерите. А потоа излезе дека не го мислеле тоа. Потоа, ми се јави нашиот продуцент Роберт Еванс и ми кажа дека треба да спијам со Били Болдвин“, открила Шерон и додала:

„Трчкаше низ канцеларијата, со очила за сонце на лицето и ми објаснуваше дека Били Болдвин подобро ќе глуми ако бидеме интимни. Тоа ќе го спасело филмот, бидејќи проблемот било во тоа што јас, наводно, сум била крута. А кога би спиела со Били, тогаш би добиле хемија на големиот екран“, раскажала Шерон.

Продуцентот Роберт Еванс, главниот шеф на продукцијата, долго време ја убедувал Шерон. Ѝ кажал дури и дека тој морал да спие со Ава Гарднер за да ја „опушти“. Овој филмски моќник, кој се потпишува зад филмски остварувања како што се „Кинески кварт“, „Котон клуб“, „Големиот Гетсби“ и „Кум“, починал во 2019 година.

А сега се огласил и Били Болдвин, кој ја раскажал својата страна на приказната, заканувајќи се дека би можел да открие многу шокантни работи за познатата убавица.

Били Болдвин разлутено ѝ се обратил на актерката на социјалната мрежа Х:

„Не сум сигурен зошто Шерон Стоун и понатаму зборува за мене, по толку години? Дали сè уште е вљубена во мене или сè уште ја боли, по сите овие години, што ги одбив нејзините додворувања? Дали ѝ го кажа следново на нејзината пријателка Џенис Дикинсон, дента откако бев на пробно снимање и ги сретнав на летот за Њујорк: ‘Ќе го натерам толку многу да се вљуби во мене што ќе му се заврти во главата’??? Знам толку валкани работи за неа што нејзе би ѝ се завртело во главата, но молчев“, напишал актерот во објавата, но не застанал тука, па додал:

„Апсолутна легенда е приказната дека сум се состанал со Боб Еванс и сум барал дозвола да ја осмислам финалната секс-сцена, така што не би морал да се бакнам со Шерон Стоун. Се прашувам дали јас би требало да напишам една книга и да раскажам многу, многу вознемирувачки, перверзни и непрофесионални приказни за Шерон? Тоа би можело да биде забавно.“

Меѓутоа, Џенис Дикинсон која ја спомнува Болдвин, веднаш се огласила и го демантирала Били:

„Шерон никогаш нема кажано такво нешто. Не сум сигурна зошто Били Болдвин го раскажува ова. Тоа никогаш не се случило, но јас ги обожавам и едниот и другиот“, кратко изјавила.

„Го извади половиот оргaн точно пред моето лице…“ Шерон Стоун го откри идентитетот на моќниот маж што ја ЗЛОСТАВУВАЛ