„До 2531 година сите ќе имаме ИСТО ПРЕЗИМЕ“ Ова е неверојатната прогноза на професор од Јапонија
Еве што велат студиите
Ваквиот тренд би довел до губење на семејното и регионалното наследство, смета професорот
Во следните 500 години, сите Јапонци ќе имаат исто презиме доколку државата не дозволи брачните парови да користат различни.
Ова е заклучокот од студијата која е дел од кампањата за ажурирање на граѓанското право што датира од доцните 1800-ти.
Студијата беше предводена од професорот по економија Хироши Јошида, кој предвидува дека секој граѓанин – ако државата продолжи да инсистира на едно презиме – ќе биде познат како „Сато-сан“ до 2531 година.
Тој додава дека проекцијата се базира на неколку претпоставки, духовито објаснувајќи:
Ако сите станеме Сато, можеби со текот на времето ќе мора да ни се обраќаат со бројки или имињата. Мислам дека тоа не би било добро, изјави Јошида.
Сато е на врвот на листата на јапонски презимиња, со 1,5% од вкупното население кое го носи, според истражувањето од март 2023 година. На второ место е презимето Сузуки.
Нацијата Сато не само што ќе биде незгодна, туку ќе ги поткопа идентитетот и достоинството на поединецот. Ваквиот тренд би довел до губење на семејното и регионалното наследство, смета професорот.
Според проценките, бројот на Јапонци со презимето Сато се зголемил за 1.0083 пати од 2022 до 2023 година, пренесува The Guardian.
Под претпоставка дека стапката останува константна – и нема промена во законот – половина од населението во Јапонија ќе го има истото презиме до 2446 година, што ќе се зголеми на 100% до 2531 година.
Паровите во Јапонија треба да изберат кое презиме ќе го земат кога се венчаваат, а во 95% од случаите жените го менуваат. Меѓутоа, сликата би била поинаква доколку јапонската влада би им дозвола на сопружниците да ги задржат своите презимиња.
Коментарите се заклучени.