Откријте како прескокнувањето на појадокот може да му наштети на срцето

Исто така, постои врска помеѓу поголем ризик од смрт од кардиоваскуларни заболувања, дури и кога нема други фактори или се под контрола, предупредуваат научниците.

Така, студија во 2019 година објавена во „Меѓународниот весник за истражување на животната средина и јавно здравје” откри дека прескокнувањето на појадокот е поврзано со срцеви фактори на ризик како што се дебелината, дијабетесот и високиот холестерол. Исто така, тоа е поврзано со други однесувања што можат да доведат до срцеви заболувања, како што се пушење, јадење премногу калории и премногу шеќер, а не доволно вежбање.

Дури и кога овие фактори на ризик се под контрола, студија објавена во 2019 година во списанието „Американски колеџ за кардиологија” откри дека прескокнувањето на појадокот е поврзано со зголемен ризик од смрт од кардиоваскуларни заболувања.

„Луѓето кои не појадувале имаа 87 проценти поголема веројатност да умрат од кардиоваскуларни заболувања“, вели д-р Веи Бао, епидемиолог во Универзитетот во Ајова и главен автор на студијата.

„Оваа проценка веќе ги има земено предвид возраста, полот, расата / етничката припадност, социоекономскиот статус, факторите на исхраната и начинот на живот, индексот на телесна маса и факторите на ризик од кардиоваскуларни состојби“, истакнува тој. Податоците беа земени предвид за 6500 лица на возраст меѓу 40 и 75 години, кои истражувачите ги следеа 17 години.

Прочитајте и: Овошјето и зеленчукот можат да ве спасат од еден вид мозочен удар

Луѓето кои известиле дека никогаш не појадуваат имале 1,87 фактор на ризик од кардиоваскуларна смртност – релативно зголемување од 87 проценти – во споредба со оние кои појадувале секој ден.

„Самиот наод е многу едноставен: луѓето кои редовно го прескокнуваат појадокот, имаат зголемен ризик од кардиоваскуларна смртност и целокупна смртност“, објаснува авторот. Но, тој признава дека студијата имала две ограничувања: луѓето самостојно ги пријавиле своите навики за појадок, така што истражувачите не можеле да проверат колку биле точни тврдењата, ниту да проверат што луѓето јаделе за појадок – добро или лошо.

Сепак, д-р Бао вели дека резултатите биле во согласност со претходните студии, кои покажале дека прескокнувањето на појадокот е поврзано со хипертензија, дијабетес и други кардиоваскуларни фактори на ризик.

Што е здрав и балансиран појадок?

Многу промени во животниот стил што можат да влијаат врз подобрувањето на кардиоваскуларното здравје, како што се вежбање или намалување на консумацијата на сол, се тешки за луѓето. Затоа е важно да се информираат дека мора да ги земат предвид за да се обезбеди нивното здравје, како што вели д-р Бао.

Кетрин Стис, менаџер на програма за велнес во Регионалниот медицински центар „AtlantiCare”, вели дека изборот на здрав појадок може да биде лесен. Фокусирајте се на цели зрна, овошје и здрави протеини и прескокнете сокови, или кафе со многу додаден шеќер.

Еве неколку примери за добар појадок: мафин од полнозрнесто брашно со путер од кикирики, овесна каша со свежо овошје и јаткасти плодови, интегрални житарки и млеко со малку маснотии и некои овошја, или домашни пијалаци со јогурт, овошје, ореви, билки и зеленчук. Варени јајца со домати, на пример, исто така се добар избор.

Зошто прескокнувањето на појадокот ви го повредува срцето?

Научниците сè уште не сфатиле зошто прескокнувањето на појадокот е поврзано со послабото здравје на срцеето. Сè уште нема студии што го откриваат основниот механизам. Сепак, некои студии покажале дека прескокнувањето на оброкот може да влијае на циркадијанскиот ритам на телото или „внатрешниот часовник”. Нарушениот циркадијански ритам е поврзан со дијабетес и хипертензија, што го зголемува ризикот од кардиоваскуларни заболувања.

Севкупно, истражувањата откриле дека јадењето во правилни и предвидливи интервали е најдобриот пристап кон здравјето.

Што се случува со телото кога јадете грејпфрут?

 

ФОТО: Pixabay