5 ефективни домашни методи за да ги зајакнете ноктите кои секогаш пукаат

Иако она што секогаш ќе ви го препорачаме прво да го правите е консумирање додатоци кои ќе ги заменат вашите витамини или колаген кои ќе се грижат за здравјето на вашата коса, кожа и нокти, постојат и домашни методи што можете да ги користите за да се обидете да им помогнете на ноктите. Без разлика дали се лупат или пукаат, одберете еден од следниве методи за себе и бидете упорни во намерата да го подобрите здравјето на вашите нокти.

Потопување во маслиново масло

Покрај тоа што е познато дека помага да се намали нивото на холестерол и да се врати хидратацијата на кожата, може да ви помогне да имате и поцврсти нокти. Маслиновото масло има способност да навлезе и да ја врати силата на ноктите. Едноставно, натопете ги ноктите во екстра девствено маслиново масло десет минути секој ден и многу брзо ќе ја забележите разликата.

Неделен третман со топло масло и сок од лимон

Ладното маслиново масло не е единственото нешто што ќе направи чуда за вашите нокти. Неговата топла варијанта, кога се меша со свежо исцеден сок од лимон, обезбедува фантастичен негувачки третман за кршливи и кревки нокти. Измешајте малку топло маслиново масло со неколку капки свежо исцеден сок од лимон. Натопете памук во добиената мешавина и ставете го на ноктите и „зацврстете“ со пластична фолија. Отстранете по десет минути. Многу брзо ќе забележите дека вашите нокти се посилни, поздрави и посјајни. И на крај, сокот од лимон може да биде ваш вистински сојузник кога станува збор за разубавување.

Бања со морска сол

Морската сол обично се користи како бања за да ѝ помогне на вашата кожа да изгледа помлада, поубава и подобра, но исто така е добра и за вашите нокти. Едноставно измешајте четири лажички морска сол со две чаши вода и натопете ги ноктите десет минути. Повторете го третманот двапати неделно.

Третман со масло од чајно дрво

Маслото од чајно дрво може да се користи за многу намени. Тоа е одличен антисептик и хидратантно средство, па би било добро неколку капки неделно да се нанесуваат на ноктите за да се поправи веќе предизвиканото „оштетување“ на ноктите и да се хидрира кожата околу ноктите.

Бања со топло млеко

Овозможете им на вашите нокти дополнителни количини на калциум така што ќе ги натопите во топло млеко пет минути. Ова ќе ги зајакне вашите нокти и ќе спречи лупење и пукање. Нема да погрешите ако додадете една жолчка во млекото – дополнителната количина протеини ќе ги направи уште посилни. Можете да го повторите третманот секој ден.

Прочитајте и: Маникир инспириран од 60-тите години е нешто што морате да го испробате: Совршени нокти за незаборавни летни ноќи! (ФОТО)

ФОТО: Unsplash