3 вежби за истегнување за ден без напнатост и болка и помирни мисли

Но, не очајувајте ако нешто едноставно не ви одговара и запомнете дека не треба да правите ништо со сила. Тара Стајлс, инструктор по јога и автор на книгата „Чисто тело, чист ум“, вели дека лесното утринско истегнување е една од оние активности во кои сите луѓе многу лесно се вљубуваат. Покрај тоа што ќе го ослободи вашето тело од напнатост и болка, тоа ќе ви помогне да се поврзете со себе и полесно да го започнете денот.

Истегнување во лежечка положба

Легнете на креветот со споени нозе и раце и со споено тело. Поместете ја десната нога дијагонално над левата, и подигнете го коленото нагоре така што ногата да биде свиткана под агол од деведесет степени. Ставете ја левата рака на десната бутина и подигнете ја десната така што ќе формира дијагонала со десната (свиткана) нога. Држете ја главата свртена кон кренатата десна рака. Земете неколку длабоки вдишувања и повторете ги со другата нога и рака.

Истегнување на рацете во седечка положба

Седнете на кревет со прекрстени нозе, или во позиција на Сухасана или таканаречено турско седење. Исправете го грбот и продолжете ја десната рака нагоре, а потоа малку свиткајте се налево со истегнување на десната рака и потпирање на левата потколеница на креветот. Насочете ја главата и погледнете кон раката што е во воздухот. Останете така некое време и дишете длабоко. Повторете сè на другата страна.

Истегнување на нозете во седечка положба

Останете во седечка положба со скрстени нозе. Испружете ја десната нога и движете се надесно колку што можете. Свртете го торзото и главата налево. Ставете ја десната рака на левото колено и поставете ја левата позади задникот. Останете во таа позиција некое време, дишете длабоко и потоа сменете ги страните.

Прочитајте и: Дали страдате од чести болки во вратот и рамената? Оваа кратка вежба ќе ви помогне

ФОТО: Pixabay