Заработила еден куп пари, па дала отказ за да се грижи за ќерка ѝ: Оваа актерка го живее сонот на секоја жена!

Актерката Камерон Дијаз била една од најбараните актерки во Холивуд, заработувала неверојатни суми на пари, но во 2014 година одлучила дека ѝ е доста.

Со оглед на тоа што работела уште од детството, Камерон на 42 години одлучила да си го промени животот од корен. Прво се повлекла од глумата, а потоа почнале да ѝ се случуваат неверојатни работи.

Истата година го запознала седум години помладиот музичар Бенџи Маден, за кого подоцна зборувала дека е нејзината сродна душа во која се вљубила на прв поглед.

Се запознале преку Никол Ричи, која се омажила за братот близнак на Бенџи. Интересно е што Камерон и Бенџи со години се движеле во исти кругови, а никогаш не се запознала. Но кога конечно се сретнале, знаеле дека тоа е тоа.

„Тоа беше една од оние ситуации, за кои луѓето велат: ‘ќе знаеш кога ќе се случи’. А јас бев во фазон ‘што ќе знам?’. Потоа го видов него и знаев, едноставно знаев дека тој е мојот иден маж“, раскажала Камерон Дијаз.

Двојката била свршена до крајот на 2014. година, а во 2015. година се венчале.

„Се венчавме во нашата дневна соба пред пријателите“, признал Маден кој многу си ја штити приватноста и ретко зборува за Камерон и нивниот брак.

Четири години по венчавката, двојката ја добила ќерката Редикс. Никогаш не откриле дали го добиле детето преку сурогат-мајка или го посвоиле, но несомнено им го сменило стилот на живот.

Прекуноќ, славната актерка и музичарот станале посветени родители кои целото свое слободно време го трошат на детето.

Во меѓувреме, Камерон можеби не прифаќа нови улоги во Холивуд, но досега има издадено три книги: „Наука на стареењето“, „Биологија на силата“ и „Привилегијата на времето“.

Таа, исто така, инвестирала во неколку здравствени и биотехнолошки стартапи, вклучувајќи ги Seed Health и модерна акупунктура.

Летото 2020 се здружила со деловната партнерка Кетрин Пауер и лансирале сопствен бренд на органско вино, Avaline.

Од сето тоа, Камерон денес одлично заработува, а повторно ѝ останува повеќе од доволно време за семејството и за ќерка ѝ, за која вели дека е најдоброто нешто што некогаш ѝ се случило.