Во бело од глава до петици? Тоа го може само Марго Роби! (ФОТО)

Неделата на висока мода во Париз собра голем број дизајнери, трендсетерки, модни новинари и експерти, како и познати личности со стил, кои дојдоа да ги проследат пролетните колекции за 2022 година.

За оваа пригода, во градот на светлината се појави холивудската актерка Марго Роби, која го претстави севкупниот гламур на целосно белата комбинација на Шанел.

Долгогодишната амбасадорка на легендарната француска куќа, пркосејќи му на јануарскиот студ, облече предимензиониран капут со интересен крој и  кратки ракави, под кој носеше светкав мини-фустан во боја на шампањско – двете парчиња се од колекцијата на Шанел за пролет 2022 година.

Модните детали ги сведе на минимум, избирајќи бели, кожени чизми до глужд, одлично искомбинирани со бела чанта Шанел, дизајнирана да собере само пар безжични слушалки.

Прилично смел стајлинг во најстудениот зимски месец, но и многу софистициран и инспиративен, нели?!