Вака се облекува една вистинска дама: Хелен Мирен (75) ги воодушевила сите присутни на црвениот тепих во Кан во раскошна креација!
Кралица на стилот
Хелен Мирен е апсолутна победничка првата вечер од Канскиот фестивал кога станува збор за модата
Кога таа зачекорила на црвениот тепих, сите занемеле. Хелен Мирен (75) ги засенила и своите многу помлади колешки со својата појава и со совршениот избор на стајлинг.
Актерката одбрала вибрантно жолт фустан, а оваа нијанса одлично и’ стои, заклучиле модните експерти. Стајлингот го надополнила со жолти чевли и впечатлив ѓердан со зелени кристали.
Високо врзаната пунџа го истакнала нејзиното лице и насмевката што не ја симнувала цела вечер.
Иако чекори во осмата деценија, тоа воопшто не се забележува. Благодарение на нејзината енергија и харизма, ни многу помладите колешки не дошле до израз покрај неа.