Најдобрите модели на костими за капење за дами со бујни гради: Сè ќе си остане на своето место, а многу се удобни!

Драги дами, доколку не спаѓате во стандардните калапи или немате типична фигура, на пример, имате поголеми гради, сигурни сме дека вашата потрага по костим за капење дополнително е отежната. Сите корпи што се поголеми од Ц се малку потешки за наоѓање.

Не очајувајте доколку имате проблем при наоѓањето соодветен горен дел, само обрнете внимание на овие совети! Клучно е да пронајдете модел со добра потпора за градите, но тој, секако, мора да биде и удобен и пријатен за носење.

Повеќето дизајнери на жените со големи гради им препорачуваат да носат горен дел кој е зацврстен и има жици во долниот дел, под градите, за да можат тие убаво да стојат. Всушност, вашиот костим за капење би требало да ви ја дава истата потпора како и вашиот градник.

Добар совет е ваков модел да побарате во продавниците што се специјализирани за долна облека, бидејќи таму веројатно ќе ја пронајдете големината што ја носите и кога станува збор за градник.

Покрај костим за капење што е зацврстен со жица, испробајте и модели што се направени од подебели, поцврсти ткаенини, како и такви со дебели прерамки.

Уште еден модел што може да биде добар за жените со големи гради е костимот за капење со таканаречен „халтер“ изрез. Тоа е модел во форма на топ со прерамки, кој притоа има убав и заводлив V изрез.

Без разлика кој модел ќе го одберете, најважно да се чувствувате добро во него и да ви биде удобен.