За добар секс најважно е меѓу вас да има привлечност, но покрај тоа, одредени вежби можат да помогнат „акцијата“ да биде уште подобра!
Секоја физичка активност е добра за вас – пред сѐ за здравјето, но кога зборуваме во контекст на сексот, факт е дека редовното тренирање ќе ја подобри издржливоста. Сепак, одредени вежби можат исто така да ви помогнат да бидете пофлексибилни, а со тоа и да уживате во повеќе различни пози.
И не само тоа – да се возбудите, слични процеси се одвиваат во организмот како кога вежбате, така што научниците тврдат дека вежбањето може да го „подобри искуството“ за време на сексуалниот однос.
Посебно внимание посветувајте на вежбите за карличните мускули, и еве ги точно вежбите што експертите предлагаат да ги направите за повеќе да уживате во сексот.
Штица – 20 секунди
Не треба да ви објаснуваме многу – застанете во позиција како за склек, а потоа спуштете се за да се потпирате на подлактиците. Обидете се да го задржите ‘рбетот исправен и да останете во таа позиција 20 секунди.
Глутеус мост – 15 повторувања
Легнете на грб, поставете ги рацете до телото и свиткајте ги нозете на колена. Подигнете го задникот од подот и повторете го ова 15 пати. На овој начин, ќе ги зајакнете мускулите на задникот, но и карличните мускули.
Скок-сквот – 10 до 15 повторувања
Застанете со нозете во ширина на рамената, а рацете близу до вашето тело. Потоа, клекнете, кревајќи ги рацете пред вас. После тоа, скокајте нагоре и веднаш штом ќе станете на нозе, вратете се во „сквот”.
Поврзани објави
Кегелови вежби – држете 5-10 секунди
Непотребно е да се каже, посилните карлични мускули значат посилен оргазам!
Првото нешто што треба да направите е да ги „идентификувате” карличните мускули со затегнување на мускулите како кога сакате да престанете да уринирате.
Чувајте ги овие мускули затегнати околу десет секунди, а потоа опуштете ги за десет секунди. Ако тоа е премногу за вас, започнете со пет секунди, а потоа зголемете со тек на време.
Склекови – 10-15 повторувања
Свртете го лицето кон подот, потпирајте се на рацете и нозете, а потоа спуштете го телото скоро до подот. Бидете сигурни дека грбот е исправен во секое време.
Оваа вежба го зајакнува целото тело, па затоа е идеална за оние кои сакаат да експериментираат и да пробаат различни пози.
Правете ги овие вежби редовно и ќе видите подобрување со текот на времето. И уште една работа – не е лошо да се вежба пред сексуален однос, бидејќи истражувањата покажаа дека жените кои вежбаат пред сексуална активност полесно се возбудуваат.
Прочитајте и: Опушта и го зголемува уживањето: Нема да ви се верува дека ова ќе ви помогне да доживеете оргазам!
ФОТО: Getty Images